تصريحات النازى محمود غزلان ضد حرية الصحافة و إعتبارها ليست سلطة رابعة و التهديد بحبس الصحفيين كارثة لأنها تعبر عن السواد المكنون داخل القلوب المظلمة ....هيا الناس دى فاهمة إيه ..الديموقراطية صندوق بس ؟؟؟!!!!....من زمااااااااااااااااااااااااااااان أوى قلت لكم الديموقراطية بدون مبادىء الليبرالية السياسية = فاشية و نحن للأسف بهذا المنطق الغزلانى نسير فى إتجاه دولة فاشية ....ديموقراطية سطر و نسيب سطر دى إسمها لاموأخذة ..........مش قادر أمسك لسانى ...فى أى بلد ديموقراطى حرية الصحافة و الإعلام غير قابلة للنقاش ....شىء مقدس زى القرآن كده محدش يقدر يتعرض له... و أنا فى بلد.. مجلة دير شبيجل لا تقل أهمية عن البوندستاج أو البرلمان ...الإسبوع اللى فات فيه فضيحة بجلاجل فى ألمانيا كلها و الرئيس حيطير فيها و ميركل بتهر على روحها لإنها هيا اللى جابته و كل ده بسبب إن جريدة إسمها بيلد نشرت معلومات عن فساد مالى للرئيس ..حاجة هبلة كده تسهيلات بقرض حوالى 400 ألف يورو !!!!...و اللى زاد و غطى إن الرئيس إتصل بالمحرر و طلب منه التوقف عن نشر التفاصيل ...راح المحرر ملبسه فى الحيطة و نشر نص الإتصال و بقت فضيحة ...و على فكرة الناس هنا إتجننت مش بس من الفضيحة المالية بل من جرأة هذا الرئيس الأحمق و قيامة بمحاول لحجب الحقيقة !!!!. بكده نبنى البلد على نضيف ..على شفافية و على حرية الوصول للمعلومات و على حق الجميع فى الوصول للحقيقة.... عايزين نقفل و نغلق و نحبس !!!!...كان فيه منه و الله يا إخوان بس خلص ...إنسوا
