عبد المنعم أبو الفتوح

الدكتور عبد المنعم أبو الفتوح رجل محترم و يفهم جيدا ما معنى الدولة المدنية و رغم أننى من مؤيدى الدكتور البرادعى و لن أعطى صوتى لأحد سواه إلا أن سباق الرئاسة يشرف برجل وطنى حر و عقل متنور و واعى كالدكتور عبد المنعم أبو الفتوح و يا ريت شباب الإخوان بدل ما يقف يهاجمه على الفاضى و المليان يناقش أفكاره.و أنا أقول أن حبى للدكتور عبد المنعم لا يقل عن حبى للدكتور البرادعى ...و السر أن كلاهما صادق و نقى و لا يقول ما يقول و لا يفعل ما يفعل إلا بدافع وطنى

التورتة!!

للأسف نحن الأن نتنازع على التورتة من قبل حتى ما نحصد القمح اللى حنعمل بيه الدقيق اللى حنعمل بيه التورته؟!

أرجو من الوطنيين جميعا الإنتباه إلى مخططات تصفية الثورة و لازم بدل منتخانق على كراسى و مناصب نركز على مراحل التحول الديموقراطى و بناء المؤسسات .

لقد أنجزنا إلى حد كبير مرحلة إسقاط النظام.و إن كنا للأسف و لأسباب غريبة لم نكمل الإجهاز على الدستور.نركز الأن فى مرحلة التطهير.لا يمكن البناء على أنقاض.لا يمكن قفل الجرح على قيح و صديد.

الإخلال بأى مرحلة يعنى بلا أدنى شك عودة الإستبداد.فى أى صورة كان.و ضياع الثورة.

إنتبهوا

البركان لن يخمد ...صدقونى

ميزة الثورة أنها طاقة رهيبة تنطلق لتفجر كل الأشياء التى قامت عليها ...كالبركان تماما لا يخمد حتى يخرج كل ما بداخله ...و الثورة المصرية مازالت مشتعلة و لم تخمد كما يحسب الجميع و الأحداث الجارية الأن من إصطفاف رهيب حول التعديلات فصل جديد من فصول الثورة ...لقد تبين للجميع أن تجار الدين هم الوجه الأخر للنظام و أنهم من كان يعطى هذا النظام المسوغ لإستمراره بينما يعطى النظام للتجار سطوة زائفة على الأفكار و العقول ...تذكرت المقولة الخالدة للثورة الفرنسية إشنقوا أخر ملك بأمعاء أخر قسيس .. حتما ستنجح الثورة

الجنون هو أن تفعل ذات الشيء مرةً بعد أخرى وتتوقع نتيجةً مختلفةً.

الإخوان على المستوى الفردى أشخاص محترمين ملتزمين و يسعد أى أحد أن يكون له جار أو قريب أو صديق منهم و لكن على مستوى الفهم السياسى ....قمة التخلف ...لا معذرة ...تحت القمة بشويه لأن اللى قاعد على القمة و مربع السلفيين ..
فى الماضى القريب إستخدم السادات الإخوان لمواجهة الناصريين فى بداية عهده ثم نكل بهم و رماهم بالسجون فى نهايته بعد ما أدوا الدور الذى كان مطلوب منهم ..دور الخادم للمستبد ...هم للأسف لا يتعلمون شيئا من دروس التاريخ ...يصطفون الآن مع فلول الحزب الوطنى ضد إرادة كافة القوى السياسية ...

يا إلهى ..هل كان يمكن ان يتصور احد منهم ان يحدث هذا ...سبحان الله .. هم لا يقرأون الذى يحدث و لا يفهمون الواقع ...هل يعتقدون أن من بيده السلطة الأن و هو المجلس الاعلى للقوات المسلحة يمكن أن يمهد لهم للوصول إلى السلطة أو أن يكونوا عاملا فاعلا فيها !!!...هم لا يقرأون أيضا الظرف الإقليمى و الدولى ...للأسف سيستخدموكم مرة أخرى .. ثم لن تنالوا إلا جزاء الخادم ..بس المرة دى مش حتكون سجون ...أهلا بكم على أعواد المشانق ...و الموضوع مش صعب واحد من عملاء أمن الدولة اللى مجندينهم جواكم زى ما كشفت الوثائق يضرب رصاصة هنا و لا هناك و شكرا
عقلاء الإخوان...تذكروا ...المظاهرة التى كانت فى قصر عابدين لتأييد محمد نجيب و إصلاحاته الديموقراطية ضد باقى أعضاء مجلس قيادة ثورة 52 ...التى كان يمكن فيها أن يقبض على كل هؤلاء و يمهد لمشروع محمد نجيب الإصلاحى الديموقراطى...ماذا فعل عبد القادر عودة ...أيها الإخوان إنصرفوا !!...و إنصرف الإخوان و ليجد عبد القادر عودة نفسة على حبل المشنقة و ليصفى التنظيم تماما و يدمر فى 54 ..لتتحسسوا رقابكم ...و قلت لكم أكثر من مره أنتم ليس لكم ديه و لن يقف المجتمع الدولى بجانبكم و لتنظروا شرقا إلى إخوانكم فى غزة !!!!
و لن يلتفت إليكم أحد ..و لتلاحظوا ...المشهد واضح جدا ...يتركوا المجال لكم فى الشارع لتغتروا و تتصرفوا كما و كأنكم تحركون كل شىء و طبعا ستظهر منكم أشياء مثل التى ظهرت هنا من إتهامات للأخرين بالعمل ضد الدين و ضد الإسلام و أشياء كاليفط التى تدعوا الناس للتصويت للتعديلات لأن هذا واجب شرعى .. .ده بيوسع الهوه بينكم و بين القوى الأخرى الفاعلة قى الثورة ...و لو تم الإنقضاض عليكم لن يقف معكم أحد ...

فى الميدان .. و بعد رحيل مبارك فى إحدى الجمع..و على إحدى المنصات وقف البعض منكم للأسف متشابكى الأيدى ليمنعوا أى أحد من غير الإخوان من الكلام من خلال الميكروفون ..و كنت و إحدى الفتيات نريد أن نتكلم ليس لرغبة فى الظهور و لكن لننبه الناس أنه يجب أن لا ننجر للصور الإحتفالية اللى فى التحرير لان ده بيميع المواقف و بيبعدنا عن مطالب الثورة الاساسية السياسية ..إغتظت منهم و توجهت للمسئول اللى فاكر إنه فتح عكا لما بأه مسئول عن ميكروفون فى التحرير و قلت له هذا لا يجوز و لازم تسمحوا للأخرين بالتحدث و قلت له إنتى عارف إن وجود واحد زيى و واحدة زى البنت اللى عايزة تتكلم دى و كانت غير محجبة ...هو اللى حماكم فى الميدان - على فكرة هو شعر بالخزى نتيجة للأفعال دى ووضع إسمى فى قائمة المتكلمين .. و لما حان دورى قلت له شكرا ..من سبقنى بالكلمة قال ما كنت اود أن أقوله ...نظر إلى فى إستغراب ...نعم هذه أخلاقنا الأصيلة أيها الاخوة - ...هما بيطنطنوا أنهم اللى هزموا البلطجية فى موقعة الجمل ...و بغض النظر عن مقدار صحة هذا الكلام ...فأنا و بضمير مطمئن أقول لهم و القوى الأخرى من الشباب ..هما اللى حافظوا على حياتكم للأن ...تخيلوا لو كنا سيبناكم لوحدكوا مثلا لإقتناعنا بتحقيق بعض المطالب الجزئية ...كان سيتم إبادتكم
أدعوا الشباب الجميل المتفتح من الإخوان اللى كان معانا فى الميدان قبل رحيل مبارك أن يفكر و يعمل العقل و يجعل مصلحة مصر فى المقدمة و يبعد عن من يجلسون فى الغرف المظلمة و لا يفكرون فى شىء إلا مصلحتهم الخاصة

اللى فيه داء عمره ما يبطله

عجائب الدنيا سبعة و العجيبة الثامنة .....الإخوان و الحزب الوطنى يوجهون الشعب للتصويت بنعم للتعديلات الدستورية ...ده دم الشهداء لسه لم يجف ...أدعو شباب الإخوان النقى البطل اللى كان معانا بالميدان إنه يقوم بتمرد على قيادتهم الغير وطنية و يجبرهم على الإنحياز للمصلحة الوطنية... أن تأتى متأخرا خيرا من أن لا تأتى أبدا

واجب شرعى !!!!!

الإخوان معلقين يفط بيقولوا للناس التصويت بنعم على التعديلات واجب شرعى !!!!!طيب أنا حصوت بلا ...خلاص إيه كفرت ....بانوا على أصلكم ...و أظهروا وجهكم القبيح ...على الناس أن تنتبه ...من الآن من يخالف رأى الإخوان أو ينتخب أحد غير المرشحين بتوعهم فى جهنم و بئس المصير ...ده على أساس إن محمد بديع عندوا توكيل من ربنا !!!!!

الخيار شمشون

إذا أصر المجلس الأعلى على الإستفتاء على تعديل الدستور أدعوا السادة المحامين الشرفاء لتقديم دعوة للمحكمة الدستورية العليا لتسليم إدارة البلاد لرئيس المحكمة الدستورية العليا و يعود الجيش لسكناته ...

لأنه ليس هناك شىء فى الدستور إسمه تخلى الرئيس عن السلطة و تفويض المجلس الأعلى للقوات المسلحة بإدارة شئون البلاد ...مش أنتو عايزين دستور 71 طيب إشربوا

معركة الدستور

معركة الدستور هى المعركة الحقيقية ...كيف نعود للعمل بدستور 71 المعدل ..كيف تكون الإنتخابات البرلمانية بالنظام الفردى و 50% عمال و فلاحين... حد ممكن يقول لى ما الذى تغير على الأرض...لا شىء ... و حتى الأحزاب الجديدة التى يمكن أن تظهر فى النور ستدخل الإنتخابات و هى كالمولود حديثا الذى من المفروض أن يدخل فى منافسة مع مصارع متمرس على الأعمال القذرة و شغل السياسة على الأرض اللى كلنا عارفينه ..المجلس الأعلى بإستمرار قرارة ده ...حيضيع البلد

أنا مرعوب!!!!!!!

أكثر لحظات الرعب التى عشتها منذ بداية الثورة لم تكن جمعة الغضب و لا الأربعاء الدامى و إنما كانت يوم الإثنين بعد جمعة الغضب عندما كان مبارك يجلس فى القيادة المركزية بيضحك مع المشير و النائب و رئيس الاركان و الطائرات الأف 16 تحلق فوق الميدان لم أكن هناك فى هذا اليوم  و لكنى بكيت و صرخت ...حيضربوهم حيضربوهم ...و أنا أشاهد حافظ الميرازى و هو فى منتهى التوتر و القلق على العربية و هو يعد الدقائق بل الثوانى الباقية على بدأ حظر التجول اللى كان يوميها الرابعة عصرا..
أنا الآن أكثر رعبا مش على الثوار بل على الثورة ..
لقد صدمت بما ورد عن الدكتور البرادعى من رضاه عن التعديلات رغم موقفه المبدىء الذى كان يقول بإعلان دستورى ثم دستور جديد.
إزاى يا جماعة تتخلوا عن أهم شىء لإعلان وفاة النظام و هو معركة الدستور ..أنا خايف يبقى فيه ثقة زائدة فى الفوز بالإنتخابات الرئاسية ...يا جماعة موضوع الرئاسية دى مش مضمون ...و أهمس فى أذانكم لأنى حاسس إن فيه لعب من الإخوان ...الإخوان يبيعوك فى ثانية و لو كانوا وعدوا بتأييد الدكتور فى الإنتخابات ...خدوا بالكم ...الإخوان بعد ما تسلم عليهم عد صوابع إيدك..من 11 فبراير يوم تنحى الرئيس و الإخوان إنفصلوا ليس على الارض فهم ينزلون فى الفاعليات و لكن من حيث الاهداف و التوجهات ..وبعدين حاسس إن المجلس العسكرى بيسجد الدكتور و رماله الفقرة اللى بتستبعد زويل ...من باب الطمأنه
أنا بس من الناس اللى بتحب تقرأ بين السطور و يحلل و يفحص و يدقق فيما يجرى لفهم الأحداث جيدا و 
الدكتور البرادعى راجل مثالى و نقى و ممارستة للسياسة طوال 30 سنة كانت فى الضوء مع دول أغلبها ترسخت فيها الديموقراطية من سنين ...خلينا إحنا اللى عارفين كيف تدار السياسة فى دول زى مصر .خلف الجدران و فى الغرف المظلمة...
التعديلات الدستورية مهزلة لأن الدستور غير موجود من يوم تنحى مبارك ..فيه مادة فى الدستور توافق ما حدث من تخلى عن السلطة و تسليمها للمجلس العسكرى ..!!!!!! هذا حدث غير دستورى و علشان كده خلاص نطالب برحيل الدستور مع رحيل من هدمه ليه بأه يرجعنا المجلس العسكرى لمتاهات الدستور اللى مفترض إنه مات يجب أن نتمسك بما قلناه قبل ذلك.. إعلان دستورى و دستور جديد ..لقد حركتنا عاطفة سلبية الجمعة الماضية و هى الخوف من الثورة المضادة و أمن الدولة ..كان من الواجب أن تكون معركتنا مع الدستور ...فليحركنا الأمل فى المستقبل الأفضل و ليس الخوف ..و أعتقد إعتقادا جازما أن هذه التعديلات ليست فى مصلحة الثورة من المنظور العام ..لا أدرى لماذا غير الدكتور البرادعى موقفه و تبعه بالطبع إئتلاف شباب الثورة ..
نرجوكم إعلان دستورى و دستور جديد = إعلان شهادة وفاة النظام


شوفوا مثلا :::الفقرة الغرائبية دى عن اللجنة المنظمة لإنتخابات الرئاسة


وتكون قرارات اللجنة نهائية ونافذة بذاتها، غير قابلة للطعن عليها بأي طريق وأمام أية جهة، كما لا يجوز التعرض لقراراتها بوقف التنفيذ أو الإلغاء


!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!علامات تعجب على مدد الشوف
تفتكروا أن المستشار البشرى حافظ على هذه الفقرة كده من نفسه و لا فيه لهو خفى وراه
لماذا هذه الثقة الزائدة ...أنتم تلعبون مع أكثر النظم إستبدادا فى التاريخ ...لم تحكم مصر حكما ديموقراطيا منذ 7000 سنة ...لو تمكنا من إدارة حملة ناجحة و بعدين أعلنت اللجنة فوز المرشح الآخر !!!!سننتقل من أعظم ثورة فى التاريخ إلى نموذج إيران  و نموذج ساحل العاج!!!!!!و إضربوا راسكم فى الحيط بأه

جهل الشاطر !!!!

الشاطر بصراحة باللى بيقوله ده كارثة على الإخوان و يا ليته ما خرج من السجن و لو شباب الإخوان مشيوا وراه حيضربونا بعد كده فى الشارع ...الراجل ده إزاى شخصية قيادية و هو بيتكلم بهذا الجهل السياسى ..ده بيقولك دستور فرنسا ..أم النور و التنوير و دولة الحرية و العدل و المساواه ...و اللى قرأت دستورها حرف حرف ..بشترط أن يكون الرئيس مسيحى ...هههههههه ...برضه نفس فكر المخلوع مفكرنا بهايم مش بنقرأ و لا بنفهم سياسة

أمن الدولة نوى على موتى و موتك ...... حيعملوا فرق للإغتيالات و التصفية الجسدية لرموز الثورة ...حيعملوا فرق الملثمين اللى حتنشر الرعب بعمليات قتل عشوائى و نهب و إغتصاب ...حيعملوا فرق للتفجير العشوائى فى بعض الأماكن و خاصة أماكن العبادة ..حيعملوا حالة فوضى عامة بحرق المؤسسات ...لازم المجلس الاعلى يجيب من الداخلية عناوين الكلاب دول و الشرطة العسكرية تنزل تلمهم و يتم التحفظ عليهم لحين أما نشوف حنعمل فيهم إيه 
...و الله الكلام ده يا جيشنا لازم يؤخذ بجدية .. المشهد ده إتكرر فى دول كتير..كانوا عندهم أنظمة قمعية زينا و قامت عندهم ثورات شعبية ...كان اللى دايما بيعمل قتل و تخريب الذراع القذر للأجهزة القمعية اللى زى أمن الدولة ده.
يا جيشنا هما كلاب أمن الدولة اللى هددوا ممدوح حمزة بالدبح و هما اللى كانوا بيقولوا للناس حنخليكوا تحصلوا الشهداء بتعكوا ..دول بيعتبروا الثورة ألد أعدائهم و مش ناويين على خير..و بعدين الوضع أساسا من ناحية الأمن العام زى ما أنتم عارفين ..و النصيبة لو واحد مثلا من رموز الثورة إتقتل .. الناس مش حتسكت و كمان حتبطل تقول سلمية سلمية و مخازن السلاح موجودة بمعسكرات الأمن المركزى و اللى حامينها لو طلع عليهم متين واحد حيجروا ..الحل إيه أمن الدولة يتعرف أماكنهم من الداخلية و يتلموا و نتحفظ عليهم كده بدل ما تولع

يا جيشنا يا ذكى الناس دى بدأت تفرم فى الأوراق ليه !!!مش تسلية و لو كانوا عايزين يتسلوا كانوا جابوا بلاى إستيشن ..و بعدين هما اللى بدأوا قبل ماحد يقربلهم ..و بعدين دول جبابرة و كانوا للحظة الاخيرة معتقدين إن الشعب لسه بيخاف يعدى من جنب المقرات مش يقتحمها..يعنى مفرموهاش خوف على المعلومات و لا حاجة ..فرموها لما شفيق مشى - و إنكشف الغطاء - و فرموها علشان مليانة بلاوى طبعا مش بلاوى مسئولين ..يولعوا المسئولين ..دى بلاويهم هما ..طيب اللى مهدد دلوقتى بعد ما النيابة إتحفظت على لاظوغلى اللى فيه أصل الأوراق و فيه كمان الديسكات و الإسطوانات اللى عليها كل حاجة يعمل إيه ...عليا و على أعداءى  ..و مين أعداءه ...الثورة و الثوار ..طيب نولع فيها بأه و إحنا مش أقل من نيرون ...الكلام ده حصل صورة طبق الأصل فى الثورات اللى قامت على أنظمة قمعية مستبدة بوليسية زى نظام المخلوع ..نسبها بأه تولع و إحنا بلد مش صغير و تمانين مليون يعنى لما خناقة بتقوم فى السيدة و الكل بيضرب فيها فى بعضة ممكن يموت فيها عشرة خمستاشر ..شوف بأه لو ولعت إيه اللى حيحصل فى مصر :

كلاب أمن الدولة إنتو عارفين بيوتهم فين ::

كلاب الحزب الوطنى بتوع الغرفة المظلمة إنتوا عارفينهم بالإسم ..الشرطة العسكرية تنزل تلم الناس دى و السيد الفاضل من المجلس العسكرى اللى قال إحنا مش حنعامل الناس بإستبداد و نفتح معتقلات زى ما كانوا بيعملوا معانا !!! ده لما الدنيا تهدى و ترجع الأمور لوضعها الطبيعى إنما دلوقتى أخطر مراحل الثورة

خونة

ما معنى أن يصر خونة الداخلية على عدم النزول و ترك البلاد بلا أمن.هذه خيانة عظمى.يا جيشنا البطل ما مصير الجندى الذى يترك السلاح و يهرب من الخدمة ؟

لقد أعطوا فرصة و وقت كبير ليعودوا و لكن من الواضح إصرارهم على تنفيذ مخططهم الدنىء لذلك نرجو من المجلس الأعلى إتخاذ القرارات الآتية
1- التحفظ على جميع مقرات أمن الدولة 
2- -إعلان التعبئة العامة و إستدعاء الإحتياط و تولى جميع مهام وزارة الداخلية 
3- القبض الفورى على جميع قيادات وزارة الداخلية و مديرى الأمن و البدء فى التحقيق معهم فى جريمة الخيانة العظمى و الإخلال بالأمن العام و ترويع المجتمع

قتلت و إتقتلت !!!!

لا عصمة لمسئول فى أى نظام ديموقراطى ..و محدش فى الدول الديموقراطية بيطلع للشعب بتاعة و يقولة أنا حاربت و ضربت و إنضربت علشانك...ده كلام فارغ ببساطة لأن حضرتك كنت بتأدى دورك اللى الدولة صرفت عليك من مال الشعب علشان تعمله ...و مفيش فرق بينك و بين الطبيب فى المستشفى و المهندس فى المصنع و الفلاح فى الحقل ...و بعدين مفيش مسئول ليه أى أفضلية أو بيتكلم بلغة إستعلائية على الناس ...ببساطة ...لأن البلاد المحترمة مبتقفشى على أفراد....البلاد المحترمة بتدار بنظم !!!... علشان كده المسئول هناك بياخد من تحت رجليه و أقل واحد بيقف و يقول رأيه ..
بعد 25 يناير إنتهى زمن تقديس الأفراد...الشعب هو السيد 

عمرو موسى ....F.U.

http://egyworkers.blogspot.com/2010/06/blog-post_9249.html


الأخ عمرو موسى اللى عايز يقود مصر فى مرحلة التحول الديموقراطى ...مش مستحمل واحدة تكتب مقال على مدونة تعبر فيه عن رأيها !!!!!

حريق الجهاز المركزى للمحاسبات

http://www.dostor.org/crime/11/march/2/37336


هوه يعنى مفيش شريف فى البلد دى ...يا سيادة المشير لو كنت شريف فعلا إثبت ...قلنا قبل كده يجب أن يحرس الجيش إدارة مباحث الأموال العامة و الكسب غير المشروع و الجهاز المركزى للمحاسبات و الرقابة الإدارية...و لو مش قادرين من فضلكم إنقلوا الملفات و المستندات للقيادة المركزية أو المخابرات الحربية ...يا رجال المجلس الأعلى للقوات المسلحة لو الكلام ده متعملشى ..يبقى للأسف فيه غموض شديد حولكم ..و قد يصل لإتهامات بالنزاهة ..ساعتها ملناش إلا القيادات الصغيرة و الوسيطة

إلحقوا هرم منقرع !!!

يا جماعة أنا نازل أحمى هرم منقرع حد ييجى معايا ..أنا بصراحة صعب عليا الوزير زاهى حواس و هوه بيصوت على القنوات الفضائية ..يا شباب إحموا آثار مصر ..معلشى يعنى هوه ليه مكلمشى محمود وجدى ..فين شرطة السياحة ..و معلشى يعنى حد كان داس للناس دى على طرف علشان يتأمصوا و يمشوا ..مال شرطة السياحة باللى حصل فى المظاهرات..إيه با عم شفيق خلصت خناقاتك مع الفضائيات و لا لسه ...انا بقول يا شباب نقدم إقتراح إننا يوم الجمعة نستلم مبنى الداخلية و نشتغل شغلهم إحنا ...فكرة برضوا

أنا مش نازل كده و خلاص أنا ليا أسبابى

هذه ليست رسالة لأحمد شفيق و ليست بالطبع  لخفافيش الظلام منمن يديرون

 مخطط  

الثورة المضادة و فى القلب منهم جهاز مباحث أمن الدولة

 .

هذه رسالة إلى من مازال يمنحه الثقة من أعضاء المجلس الأعلى للقوات المسلحة

و إلى كل مصرى حر يسأل و يريد أن يعرف لماذا مازلنا مصريين على مطلبنا برحيل

 حكومة شفيق و متمسكين بفاعليتنا على الأرض من مظاهرات و إعتصامات

1-شفيق كان رئيس الوزراء يوم الأربعاء الدامى و كان قد صرح فى الفضائيات أن

أمن المتظاهرين على رقبته ..و حدث ما حدث و هو و إن كان يدعى أنه ليس مسئول 

عن إرسال البلطجية فهو مسئول سياسيا عما حدث و خاصة أن الإعتداء إستمر من

 الساعة الثانية ظهر الأربعاء حتى الساعة الرابعة من فجر الخميس

فشفيق مسئول عن دماء 12 قتيل قنصوا بالرصاص و أكثر من 1500 جريح

2-

 شفيق لم يفى بوعده جتى الآن بمحاسبة المسئول عن إرسال البلطجية و هم

 معرفون بالإسم من خلال شهادات من تم القبض عليه من هؤلاء البلطجية  كما و لم

 يتخذ أى إجراء تجاه من كان يحرك هؤلاء البلطجية على الأرض من أفراد الأمن و

 قد تم أيضا القبض على البعض منهم و أخذالبطاقات الخاصة بهم و تسليمهم للجيش

3- شفيق لا يدرك حتى الآن طبيعة المرحلة التى تمر بها مصر و لا يدرك معنى كلمة 

حكومة تسيير 

أعمال و هذا واضح للعيان  فى تصريحاته و لقائاته و من أمثلة ذلك

 يتكلم عن إستراتيجيات و مشاريع مستقبلية و هو يعلم تمام العلم أنها للإستهلاك

 المحلى و للضحك على الناس و إستهلاك الوقت لتنفيذ  مخططات الإلتفاف على

 الثورة و ليست للتطبيق على أرض الواقع فما معنى أن يجتمع الآن بالدكتور فاروق

 الباز هو و بعض أعضاء وزارتة لمناقشة مشروع ممر التعمير ..يا سيدى أنت

 رئيس وزراء حكومة تسيير أعمال يعنى ممكن تجتمع بناس للبحث فى تنفيذ أمور

 سريعة لحل الأزمات الخانقة العاجلة مش مشروع يتطلب تنفيذه عشرات السنوات .

.

 يرتكب هو ومن معه من الوزراء أخطاء فادحة ستكون مصدر لمشاكل لا حصر لها

 لمن يأتى بعده من خلال وعود وهميه للتوظيف و منح المساكن للناس و لا نعلم من

 أين سيفى بالإحتياجات المالية لمثل هذه الأشياء ..و قد تواترت الأنباء و الشهادات

 من مدن كثيرة عن إلقاء مثل هذه المطالب فى صناديق القمامة.

ما معنى أن تستحدث وزارات لم تكن موجودة قبل ذلك فى هذا الوقت ...يا سادة

 حكومات تسيير الأعمال و حكومات التعامل مع الأزمات فى أى بلد فى العالم هى ما

 يطلق عليه بالإنجليزية

small cabinet..

يعنى حكومة صغيرة من أقل عدد من الوزراء ممكن على سبيل المثال عشرة و دائما

 ما تضم الوزارات فيها لبعضها لأن التعامل مع الأزمة يتطلب عدد قليل من

 الأشخاص و ده بيسهل إتخاذ القرارات و الإتصال و التفويض ..أما شفيق بيه فلا

 يدرك هذا ..مع إحترامى لمن يقول أنه ممتاز فى الإدارة ..ده فشل إدارى و مش فى

 مشكلة عويصة لا ده فى ألف باء إدارة...يا سادة إدارة مبنى مطار غير إدارة دولة  

4- شفيق حتى الآن فشل فى الإختبارات الصعبة التى تواجه حكومته و منها  و من

 أهمها عودة الأمن ..ما معنى أن السيد وزير الداخلية - المهموم و الموهوم بأن

 مشكلة إعادة الثقة بين الشعب و ظابط الشرطة ممكن تحل عن طريق تغيير اللبس

 !!!! - لا يستطيع حتى الآن أن يقنع الظباط بالنزول إلى الشارع و إستعادة الأمن ما

 معنى أن وزير فى الحكومة و هو زاهى حواس يطلع يصرخ فى الفضائيات و يطلب

 من الشباب أن يحموا الآثار ..هوه مين المسئول عن الأمن الشباب و لا الداخلية !!!

5

- الأداء المخزى لحكومة شفيق فى التعامل مع الأزمة فى ليبيا بكل تداعيلتها سواء

 إحتمالات التدخل الخارجى ...سواء مشكلة الرعايا المصريين هناك و مشكلة لاجئين

 ليبيين و من جنسيات أخرى ..فشل تام و كل ما إستطاع فعله رمى الموضوع على

 القوات المسلحة!!!كما كانت ترمى قبل ذلك كل الأزمات على الأمن .فين الإدارة يا من

 يدعى من يطالب بإستمرارك أنك خبير فى الإدارة ..يا جماعة قلت لكم شفيق أخره

 يتعامل مع حريق محدود فى صالة من صالات المطار مش مع حرائق تشتعل و

 ستشتعل حولنا فى المنطقة.

6- خدوا بأه القاضية ...السيدان وزير الرى و وزير الخارجية .. و هما بالطبع

 يعملان تحت إشراف السيد شفيق.سمعوا زيهم زينا عن توقيع بروندى على إتفاقية

 عنتيبى و دخول الإتفاقية حيز التنفيذ ...هما البعدا بيعملوا إيه ...طيب شفيق

 مشغول فى خناقاته مع الفضائية دى و الشرشحة للمذيع ده ...طيب السيد وزير

 الرى فيه حاجة أهم من ملف مياه النيل يكون مشغول بيه ...و الأخ أبو الغيط ممكن

 تتوقع إننا نصدق تصريحك المبطن بالتهديد بعدم قبول مصر لأى تدخل خارجى فى

 ليبيا و إحنا شايفين بروندى بتلزأك على قفاك .يا سادة أنتم أقزام و مصر أكبر

 بكثيير من أمثالكم .

مصر تستحق أن يدير شؤنها فى هذه الفترة العصيبة من تاريخها أقوى حكومة فى

 تاريخها ...حكومة من المتميزين فى الإدارة خاصة إدارة الأزمات و من أشخاص

 وطنيين و غير ملوثين بفساد النظام البائد و قادرين على إكتساب ثقة الشعب

 المصرى