شادى الغزالى حرب شلنى لما كان طالع مع اللواءات بتوع المجلس الأعلى للقوات المسلحة ....البيه بيشحت مظاهرة و بيقول معلشى يا فندم خلى الناس تتظاهر كل يوم جمعة فى الميدان و كأنهم رايحين فسحة ...!!!A7A
و البيه اللى أسمه مصطفى النجار ... يا جدعان خلوه يصحصح شويه و ميعشى دور حكيم الثورة ...يا شباب أنتم شباب .. و الشباب يعنى الجرأة ...جموح الحلم ... المبادرة ... مفيش حد دلوقتى يلبسلى لبس الحكماء و المنظرين و شيوخ المعارضة اللى ودوا البلد فى ستين داهية ...
نريد أسود لا قطط..
نريد صقور لا حمائم ...
علوا سقف المطالب و لا تخافوا و تمسكوا بتحقيقها ..حتى لو حد حيبدأ يتفاوض معاك يتفاوض من سقف شديد العلو .علشان حتى لو نزل شوية يحقق برضة اللى إحنا عايزينة..
أى حد يطلع يتكلم أو يستدعى لحوار مع المجلس الأعلى للقوات المسلحة ...يتكلم الند للند .. نحن لا نأخذ أوامر من أحد ...إحنا مش مجندين فى كتيبة حنأدى التحية العسكرية للقائد و ننفذ أوامره .
نحن الأقوى الشارع معانا و الجيش ليس معه شىء ..
أى إجراء يستخدمه ..مهما كان ..حيصب فى صالحنا .حيعتقل الشباب ياريت ...حيضربهم بالنار ..
يبقى كتب بإيديه شهادة وفاته وبعد كده لاقدر الله لوحصل أتحدى أى لواء من اللى كانوا قاعدين و على كتافهم كيلو نحاس إنه ينزل ببدلته الشارع.. و يشوفوا المجنون اللى فى ليبيا ..إيه اللى كسبه ...إحتقار العالم كله و حصار و مفيش قدامه غير خيارين دلوقتى ..
يا يزبح و تعلق جثتة لتأكلها الكلاب فى الساحة الخضراء ..يا ينتحر و برضة ستعلق جثتة لتأكلها الكلاب ..لأن الارض الطاهرة اللى رويت بدماء الشهداء لا يمكن أن يدفن فيها أمثال هذا المجنون .
يا شباب نحن الأقوى و إياكم أن تتحدثوا من موقف ضعف .
على فكره محدش يفهم كلامى ده إنه هجوم على الجيش أو بستعدى الشباب عليه ..
انا أحترم و أقدر الجيش جدا .. و جزمة أى ظابط من اللى كانوا حوالينا فى التحرير فوق دماغى .
و لكن يا جماعة لازم نفهم حاجه .
المجلس الاعلى للقوات المسلحة الآن يدير بلد فى أزمة و لا يدير كتائب على جبهة قتال .
إدارة بلد سياسة و السياسة هى لعبة يجب علينا أن نفهم قواعدها ..
مفيش فى السياسة حاجة إسمها ثقة ..سمعت الكلمة دى كتير فى التحرير إمبارح من ناس لا أشك أن اغلبهم من أمن الدولة أو الشرطة السرية .
أنا واثق و لكن لازم أستمر فى الضغط بصورة حضارية سلمية لإستكمال تنفيذ مطالبى .
مفيش حاجة فى السياسة إسمها قول اللى أنته عايزه من مطالب و لتذهب و تستريح فى بيتك .
السياسة لعبة شد و جذب و علينا أن نلعبها للآخر و نستغل كل عوامل الضغط بتحضر و أدب .
المشكلة هى إن فى الوقت الحالى فيه إختلاف فى أهداف كل من الجيش و الشباب و ليس معنى إن هناك إختلاف إن فيه جانب صح و جانب غلط لا لا ..
ممكن الجانبين يكونوا صح .
الجيش يعلى من أهمية الإستقرار و إن لازم كل حاجة تعود لوضعها الطبيعى فى أقرب وقت .
و الشباب يعلى من أهمية إستكمال مطالب الثورة و المضى فى خطوات مفصلية أساسية لوضع الأساس لدولة مدنية ديموقراطية حقيقية.
المشكلة إن برضه الجيش يتحرك بسرعة الدبابة التى تذحف على الأرض و الشباب ينطلق بسرعة إنتقال المعلومات فى الالياف الضوئية ... سرعة رهيبة تنقل المعلومة فى أجزاء من الثانية .
فرق السرعات هذا لم يكن فى مصلحة مبارك .. و فى النهاية رضخ لإرادة الشباب .
وأنا أعتقد أيضا أنه سيكون فى صالح الشباب و ليس فى صالح المجلس الاعلى للقواتالمسلحة
و أنا اثق ثقة كبيرة فى أن الشباب هو من سينتصر فى النهاية و سيفرض كل مطالبه و سيحقق جميع مكتسبات الثورة .
بس ارجع أقول فى النهاية القطط السيامى تركن على جنب و مش عايزين غير الأسود!
ليست هناك تعليقات:
إرسال تعليق