يا رجال المجلس الأعلى للقوات المسلحة .... أحمد شفيق حيولع مصر .... بداية هوه نفسه شخص كاذب و غير مؤتمن على المرحلة الإنتقالية و تحيط به روائح فساد و فيه تار بايت بينه و بين ثوار التحرير ... يا جيشنا الباسل تار يعنى دم ... دم سال بغزارة يوم الأربعاء الدامى ....
و بعدين إختيار حسين مجاور ده جنون رسمى ... حسين مجاور أكثر شخصية مكروهه من عمال مصر الشرفاء .. ده كان البول دوج الرسمى للحزب الوطنى لتزوير إنتخابات كل النقابات العمالية ... أنا أعتقد إن مجرد الإعلان عن هذا الشخص سيتبعه عاصفة عاتية من الإحتجاجات و الإضرابات العمالية من الصعب السيطرة عليها....
و بعدين أحمد أبو الغيط عار على الدبلوماسية المصرية .... يا جيشنا الباسل الراجل ده خلى تمن المصرى بالخارج بلا تمن شوية ملاليم ... الراجل ده خلانا بلد بعد ما كان ناصر البطل بيهدد إيدن رئيس وزراء بريطانيا العظمى واحد نكرة زى زيناوى رئيس وزراء أثيوبيا !!!!! بيهدد مصر ... الراجل ده عار عار على مصر
ليه الإصرار على ممدوح مرعى ... اللى شق صف القضاه الشرفاء و كان أداة و قفاز قذر للنظام البائد للسيطرة على السلطة القضائية
ده جنون ...معلشى أحمد شفيق شكله مش عايش فى مصر و مش مقتنع لسه إن دى ثورة ... الراجل ده حيولع البلد .
ليست هناك تعليقات:
إرسال تعليق